“Ауыл” халықтық-демократиялық партиясының Төрағасы Әли Бектаев партия құрылған сәттен бастап оның қалай жұмыс істейтінін айтып берді.
“Біздің партия барлық жарғылық міндеттерді орындау үшін белсенді жұмыс істеуде, олардың ішінде мен мыналарға назар аударғым келеді: саяси көшбасшыларды ұсыну және қолдау, түрлі органдардағы өз өкілдері арқылы әлеуметтік-экономикалық мәселелерді шешуге қатысу, заңнамалық актілерді әзірлеуге қатысу, саяси партиялармен және қоғамдық бірлестіктермен сындарлы ынтымақтастық. Жарғылық мақсаттар мен міндеттерге қол жеткізу үшін партия таяу болашақта сайлауы өтетін Парламент Мәжілісі мен мәслихаттарға кандидаттар ұсынуға құқылы”, — деді Әли Бектаев Нұр-Сұлтандағы дөңгелек үстел барысында.
Ол саяси партиялардың мүмкіндіктері қазір кең екенін айтты.
“Ауыл” партиясының тарихы 20 жылдан асады. Кейде партияның қызметі туралы әртүрлі пікірлер айтылады. Бірақ мұндай пікірлер, мүмкін, ескірген стереотиптер негізінде немесе “Ауыл” партиясының қызметін мұқият қадағалайтындардан туындауы мүмкін. Айта кету керек, соңғы бес жыл ішінде біздің партия өз қызметін ең маңызды түрде өзгертті. Орталық және өңірлік аппараттардың кадрлық құрамы айтарлықтай жаңартылды, жүздеген түрлі іс — шаралар өткізілді, партияның жаңа мүшелерін қабылдау жүзеге асырылуда”, – деді партия басшысы.
Партия төрағасының айтуынша, Мәжіліс пен мәслихат депутаттарының алдағы сайлауының өзіндік ерекшеліктері бар.
“Алғаш рет парламенттік оппозиция институты енгізілуде. Сондай-ақ, партиялық тізімдерге алғаш рет әйелдер мен жастар үшін 30 пайыздық квота енгізіледі. Мәслихат депутаттарын сайлау да алғаш рет партиялық тізімдер бойынша өтеді. Яғни, бұл жолы біздің аграршыларда, партияларымызда және жақтастарымызда өз өкілдерін барлық өкілді органдарда сайлауға жақсы мүмкіндік бар”, – деп Бектаев атап өтті.
Естеріңізге сала кетейік, 26 қазан күні Саяси кеңес отырысында “Ауыл” партиясы Мәжіліс пен барлық деңгейдегі мәслихат депутаттарының сайлауына қатысу туралы шешім қабылдаған болатын.
Сурет: inform.kz
