Атырау көшелерінде 45 вакуумдық машина суды сорғымен шығаруда, деп хабарлайды қалалық әкімдіктің баспасөз қызметі.
17 сәуір күні түнде Атырауда нөсер жауын жауып, 18 сәуірге қараған түні қар жауды. Қаланың коммуналдық қызметтері жауын-шашынның салдарын жоюда. Облыс әкімінің орынбасары Нұрлан Таубаев пен қала әкімі Әлмұхаммед Құттымұратұлы апат салдарын жою жөніндегі жедел штабтың жұмысын тексерді.
Автожолдарда 5 самосвал, 6 трактор-щетка, 3 КамАЗ және “Спецавтобаза”жауапкершілігі шектеулі серіктестігінің 290 жұмысшысы жұмыс істеді. Екі тәулік ішінде коммуналдық қызметкерлер көшелерден шамамен 7000 текше метр су жинады.
Кәсіпкерлер 20 вакуумдық машина ұсынып олар сумен күресуге көмектесуде.Кәсіпкерлермен тағы 10 машина беру туралы келіссөздер жүргізілуде. Қазіргі таңда қалада 5-6 проблемалы учаскелер бар, олар – балабақшалар мен мектептер жанындағы учаскелер және жеке сектор.
Ауа райы кейбір шағын аудандарда электр жарығының сөнуіне себеп болды. Трансформаторлық қосалқы станцияларда аварияны болдырмау үшін “Атырау Жарық” акционерлік қоғамының 25 бригадасы жұмыс істеуде.
Кешке дейін қала және оның төңірегіндегі тұрғындардың үйлеріне электр беруді жаңарту жоспарланып отыр.
Ауа райының қолайсыздығына байланысты барлық мектептерде сабақ тоқтатылды. Жеке сектордың тұрғындары түні бойы суды сорып шығаруға өтінім берді. Әкім мектептер мен жеке сектордағы жағдаймен танысып, өз қызметкерлеріне тапсырма берді.
Атыраулықтардың “Атырау облысының әкімдігі” Телеграмм чатында апат салдары туралы,су басқан көшелердің мекен-жайын хабарлап,билікке жеделхат жіберуге мүмкіндігі бар.
Сурет: баспасөз қызметі.
