Атырау облысының бұқаралық ақпарат құралдарының өкілдері жаңа коронавирустық инфекцияны анықтау үшін талдаулар тапсыруы қажет.Бұл туралы төтенше жағдайды қамтамасыз ету жөніндегі жедел штабқа сілтеме жасаған «ҚазАқпарат» ақпараттық ресурсы хабарлады
Аймақ әкімінің орынбасары Бақытгүл Хаменованың айтуынша, қазіргі уақытта журналистер, операторлар мен суреттілшілер ел үшін қиын уақытта өте маңызды міндет атқарады.
«Төтенше жағдай режимін қамтамасыз ету жөніндегі жедел штабтың шешімі бойынша Атырау облысының тұрғындарын жедел ақпаратпен қамтамасыз ететін барлық журналистер бұдан былай коронавирустың бар-жоғына экспресс-тесттер өтетін болады. Біз барлық мамандық өкілдеріне ерекше көңіл бөлуді жоспарлап отырмыз», — деп атап өтті Хаменова.
Қазақстан денсаулық сақтау министрлігінің ақпараты бойынша, бүгінгі таңда елімізде жаңа коронавирустық инфекциядан туындаған 1179 ауру тіркелген.
Бүгін тағы да 88 жаңа жұқтыру фактісі расталды, оның ішінде Нұр-сұлтан – 4, Алматы – 75, Шымкент – 1, Қарағанды облысында – 1, Атырау облысында – 1, Жамбыл облысында – 3, Түркістан облысында – 3.
Сурет: rus.postimees.ee
