«ҚазАқпарат» ХАА тілшісі хабарлағандай, Атырауда 22 жасар қыз лифт шахтасына құлады.
Атырау облысы ТЖД баспасөз хатшысы Жанар Қаржаубаеваныі ақпараты бойынша, бүгін 6 сағат 5 минутта Авангард шағын ауданындағы 9 қабатты үйлердің бірінде орын алған төтенше жағдай туралы хабарлама келіп түсті. Оқиға орнына құтқарушылар бригадасы келді. Зардап шеккен 1996 жылы туылған қыз жеделсаты шахтасына құлап кетті. Құтқарушылар қызды алып шығып,облыстық аурухананың травматологиялық бөліміне жеткізілді.
Билік пен қыздың туыстарының орын алған оқиға жайында ой-пікірлері хабарланбайды
Соңғы жылдары Қазақстанда мұндай жағдайлар бірнеше рет орын алды. Елдегі лифт жабдықтарының көпшілігі 25 жыл пайдаланылып келеді. Дегенмен, жеделсатылар элиталық жаңа құрылыстарда да істен шығып жатыр.
2017 жылдың сәуір айында Астанада өліммен аяқталған оқиға болды. Лифт кабинасы жұмыс істеп жүрген сантехникті басып тастап, 38 жастағы жұмысшы оқиға орнында көз жұмды. Бір аптадан кейін «Эдем Палас-2» тұрғын үй кешенінде сегіз тұрғынды тасымалдау кезінде лифт құлап кетті, олардың ішінде екі бала болған. Зардап шеккендердің барлығы құтқарылды, бірақ болған оқиға адамдарды қатты есеңгіртіп жіберді.Тағы бір апта кейінірек көрші үйде ұқсас жағдай орын алды, алайда лифт құлап бара жатқан уақытында аварияға қарсы тежеуіш жүйесі іске қосылды.
Мамандардың ақпараты бойынша жедел сатылардың 70%, Шымкентте – 80% ауыстыруды қажет етеді. Сондай-ақ, осыған байланысты жедел саты жабдықтарын монтаждау, пайдалану және экспетизаны жүзеге асыратын бір күндік компаниялар проблемасының өзектілігі анықталды. Үкімет оларды лицензиялау керек деген ұсыныс айтты.
Сурет: иллюстрациялық
