Энергетика және тұрғын үй-коммуналдық шаруашылық басқармасының басшысы Мұрат Иғалиев Атырау қаласында «Бақытты отбасы» тұрғын үй бағдарламасы басталғаны туралы ақпарат берді.
көп балалы отбасылар, толық емес және мүгедек балалары бар отбасылар тұрғын үй бағдарламасына қатысып, жеңілдетілген ипотекалық қарыз ала алады.
«Бірінші кезекте бағдарлама жалға алынған тұрғын үйде тұратын халықтың аз қамтылған топтарын қолдауға бағытталған. Ұзақ уақыт бойы баспана ала алмаған адамдар. Ең басты талап — отбасы табысы аз болуы керек, отбасының бір мүшесінің табысы 42 500 теңгеден аспауы керек. Мысалы, егер отбасында алты адам болса,күйеуі ғана жұмыс істесе, ал жұбайы үй шаруасында немесе декреттік демалыста болса, мұндай жағдайда олардың жалпы табысы 255 мың теңгеден аспауы тиіс. Осылайша, кезекте тұрғандар тізімінде алғашқы жарна жинау қиынға түсетін адамдар тұратын болады», – деп түсіндірді Мұрат Иғалиев.
Энергетика және тұрғын үй-коммуналдық шаруашылық басқармасы басшысының айтуынша, осы бағдарлама аясында оның қатысушыларына 20 жылға жылдық 8-10 пайызға тұрғын үй беріледі, бірақ бастапқыда тұрғын үй құнынан он пайыздық жарна енгізу қажет. Сондай-ақ, тұрғын үй беретін отбасының өз үйі немесе пәтері болмауы тұрғын үй бағдарламасының маңызды шарты болып табылады.
Сурет: bnews.kz
