Атырауда “Мәңгілік полк” шеруі өтті, оған қала тұрғындары мен қоғам қайраткерлері қатысты. Бұл ақпаратты аймақтық коммуникация қызметінің қызметкерлері таратты.
8 мамыр күні Атыраудың 200-ге жуық тұрғыны әскери оркестрмен бірге қаза тапқан ҰОС ардагерлерінің, соғысқа қатысқан туыстарының фотосуреттерімен Жеңіс саябағындағы Мәңгілік алауға гүл шоқтарын қойды.
Атырау қаласы әкімінің орынбасары Ұлықбек Тінәлиев құттықтау сөз сөйледі
– “Мәңгілік полк” акциясы қазіргі ұрпақтың әкелері мен аналарының, аталары мен әжелерінің ерлігін еске алып, бағалайтынын көрсетуге арналған. Біздің дүниеге келуіміз үшін “бұрынғы заман қаһармандары” ең ыстық жастық шақтарын соғыс ауыртпалығы мен қайғыда, аштық пен суықта өткізді,тылда және мүлдем ауыр жағдайда жұмыс істеп, өмірін жау тұтқынында кешті, – деді Ұлықбек Тінәлиев.
“Мәңгілік полк” шеруі Тілендиев атындағы көшеден басталып, “Жеңіс”саябағында аяқталды. Қаза болғандарды бір минут үнсіздікпен еске алды. Айта кетейік, биыл Ұлы Жеңіске 74 жыл толады.
Сурет: zakon.kz
