Атырау облысының бас санитарлық дәрігері Амантай Жұмағалиевтің қол қойған қаулысына сәйкес, атыраулықтарға түнде қала ішінде жүруге тыйым салынды. Бұл туралы time.kz ақпарат агенттігі хабарлады.
Қаулыға сәйкес, енді Атырауда 23.00-ден 6.00-ге дейін қала тұрғындары мен көліктердің жүруіне тыйым салынады. Алайда бұл тыйым шұғыл қызмет қызметкерлеріне қолданылмайды.
Сондай-ақ, қалада қоғамдық көліктің жұмыс кестесіне өзгерістер енгізілді. Атап айтқанда, ол Атырауда 6.00-ден 23.00-ге дейін шектеулі режимде жүретін болады.
Атырау облысының әкімдігі қазір құқық қорғау органдарының қызметкерлері халық арасында шектеу шараларын сақтау жөнінде түсіндіру жұмыстарын жүргізіп жатқанын атап өтті.
Сонымен қатар, облыстық атқарушы билік органы белгіленген талаптар бұзылған жағдайда, оның ішінде түнгі уақытта жүргендер әкімшілік жауапкершілікке тартылып, айыппұл салынатынын ерекше атап өтті.
Соңғы мәліметтерге сәйкес, Атырау облысында коронавирустық инфекцияны жұқтырудың 1386 жағдайы ресми түрде тіркелді.
