Атырау облысының діни экстремизммен күресу басқармасы полиция департаменінің қызметкерлері тексеру барысында Жылыой ауданы Құлсары қаласындағы асханалардың бірінде, уәкілетті органдардың рұқсатынсыз, ашылған намаз оқу бөлмесін тапты. Намаз оқу бөлмесі асхана иелері үшін де, асханаға келушілер үшін де есептелген.
— Кәсіпкердің кінәсі ҚР ӘҚБтК-нің 490-бабының 1-бөлігі «діни қызмет және діни бірлестіктер туралы Қазақстан Республикасының заңнамасын бұзу» бойынша толық дәлелденді. Сот асхана иесіне 120 250 теңге көлемінде әкімшілік айыппұл салды, асхана қызметі 3 ай мерзімге тоқтатылды,-деп хабарлады Атырау облысы Жылыой аудандық сотының баспасөз қызметі.
Айта кету керек, мұндай «құпия мешіттер» бүкіл Қазақстан бойынша кеңінен таралған. Оларда дәстүрлі емес ислам жақтастары кездесулер өткізеді.
Қазақстандағы қазіргі діни ахуал үшін , әсіресе, жастар есебінен радикалды діни қауымдастықтардың пайда болуы мен күшеюі, дәстүрлі емес сенім орталықтарының қызметін жандандыру, шетелдік миссионерлік қозғалыстың ықпалын арттыру және сектанттық ұйымдардың әлеуметтік базасын кеңейтуде. Бұл ретте деструктивті секталар мен жаңа буынның табынушылығының күшеюі үлкен алаңдаушылық туғызады
Дін қазақстандық жастар үшін әлеуметтік мінез-құлықты, қарым-қатынас психологиясын және өмірге деген философиялық көзқарасты реттейтін құндылыққа айналып бара жатқаны және сол жастардың дәстүрлі дін мен жалған дін арасындағы айырмашылықты көмескі түсінетіні қауіп төндіруде.
Деструктивті секталар мен табынушылық психологиялық зиян келтіреді,қанаты қатпаған жастардың санасын өзгертіп, оны әдеттегідей діни бағдардан тайдырып және өскелең ұрпақтың қалыптасқан этникалық және діни құндылықтарын бұзады.
Сулет: zakon.kz
