Желіде Атырау облысының бас санитарлық дәрігері Темірбек Мұсағалиевтің қаулысы пайда болды, онда Теңіз кен орнында карантиндік режим 12 маусымға дейін ұзартылатыны айтылған, деп хабарлайды tengrinews.kz ақпарат агенттігі
Қаулыға сәйкес Теңізде кен орнына кіруге және одан шығуға тыйым салу жалғасуда, алайда мұндай шара өндірістік қызметті қамтамасыз етуге тартылған көліктерге жəне жеке автокөліктерге қолданылмайды.
Сондай-ақ, 12 маусымға дейін вахталық кенттерде жүруге және 21:00-ден 5:00-ке дейін шығуға тыйым салынады, бірақ бұл түнгі ауысымда жұмыс істейтін вахташыларға және кен орнынан тұрақты тұратын жеріне шығатындарға қатысты емес.
Атырау санитарлық дəрігерінің қаулысында вахталық кенттерде белгіленген карантиндік шаралардың сақталуын облыстық полиция ведомствосының қызметкерлері қадағалайтын айтылған.
Аймақтың полиция департаменті Теңізден шығатын барлық кірер және шығар жолдарға ішкі істер органдарының қызметкерлері күзететін бақылау-өткізу пункттерін қояды.
Бүгінгі таңда Атырау облысында ресми түрде COVID-19 ауруының 980 жағдайы тіркелді, ал Қазақстан Республикасында олардың саны 9932-ге жетті.
Сурет: azattyq-ruhy.kz
