Атырау облысында ЖКО орын алды. Оралдан келе жатқан жолаушылар автобусы жүк машинасымен соқтығысқан. Бұл туралы облыстық ІІД баспасөз қызметі хабарлады.
Ведомство хабарламасында Атырау облысының Индер ауданында Көктоғай ауылының маңында жолаушылар көлігінің қатысуымен жол-көлік оқиғасы орын алғаны айтылған.
Жүк көлігі мен жолаушылар автобусының соқтығысуы салдарынан үш адам оқиға орнында көз жұмды.
Автобус жолаушылары түрлі дәрежедегі жарақат алды.
Апат фактісі бойынша ҚР ҚК 345 бабы –”Көлік құралдарын жүргізуші адамдардың жол қозғалысы ережелерін бұзуы немесе көлік құралдарын пайдалану ережелерін бұзуы” бойынша қылмыстық іс қозғалды.
Сурет: stolica-s-su
