26 сәуір күні Атырау облысының қалалық, аудандық және ауылдық әкімдіктерінде, білім беру және денсаулық сақтау, спорт және әлеуметтік мекемелерінде Ашық есік күні өтті, деп хабарлайды аймақтық коммуникация қызметі.
Шенеуніктердің Ашық есік күні 1770 адам келді.Олар 1700-ден астам сұрақ қойды.
ӘкімдіктерАшық есік күнін мемлекеттік қызметтер жәрмеңкесінің принципі бойынша ұйымдастырды, әр мекеме өз ғимаратында кездесу өткізді.
Облыс әкімі Нұрлан Ноғаевтың хабарлауынша, оның тапсырмасына сәйкес барлық әлеуметтік мекемелерде тұрғындармен кездесу ұйымдастырылды. Негізгі мақсат мемлекеттік органдар мен мемлекеттік мекемелердің халықпен барынша қарым-қатынас орнату болды
Ашық есік күндері әр айдың соңғы жұмасында өткізілетін болады.
Естеріңізге сала кетейік, қоғам мен мемлекеттік органдар арасындағы байланысты жақсарту үшін әкімдерге және жауапты органдарға әкімдіктер мен әлеуметтік мекемелерде ай сайын Ашық есік күндерін өткізу тапсырылған болатын.
Бұл бастаманы облыс әкімі қаңтар айында Жылыой ауданында өткен кеңесте ұсынды. Сонымен қатар, Президент Тоқаев облыстық әкімдермен өткен кеңесте оларға барлық деңгейдегі халықпен барынша жиі кездесуге тапсырма берген болатын.
Сурет: аймақтық коммуникация қызметі
