ҚР Парламенті Сенатының депутаттары инвестициялық ахуалды жақсарту мәселелерін талқылауға ұсынды, деп хабарлайды 24.kz.
Депутаттар Атырау облысының бірнеше өнеркәсіптерін жоспарлы аралап шықты. Олар Қарабатандағы мұнай-техникалық технопарк пен өнеркәсіптік алаңда болды. Мұнай-техникалық технопаркінде газ-химия кешен құрылғанда 3 мың адамға жұмыс орындары беріледі.
ҚР Парламенті Сенатының депутаты Сергей Плотников: «Бүгін біз Атырау облысының қалай жұмыс істейтіндігіне және инвестиция тарту бойынша көшбасшы екеніне көз жеткіздік. Ең бастысы — тек облыстар мен Қазақстанның өңірлеріне ғана емес, басқа нарықтарға, сонымен қатар шетелдік нарықтарға шығу. Отандық тауарлар сапасымен адал бәсекелестікте шетелдік баға саясатын ығыстыру үшін, импорт алмастыру саясатына белсенді қатысу керек.».
Сондай-ақ, депутаттар шетелдік инвесторларды өңдеу өнеркәсібіне тарту перспективасын және бірлескен кәсіпорындар құруды талқылады.
