Бүгін Атырау облысының мектептерінде білікті кадрлардың жетіспеушілігі, атап айтқанда 472 педагог жетіспейтіні белгілі болды. Бұл туралы «Қазақпарат»ақпарат агенттігінің тілшісі хабарлайды.
«Барлық оқу орындарында кадрлар тапшылығы бар. Мұғалімдер негізінен орыс тілді мектептерге қажет. Біз осы мәселені шешу үшін жұмыс істеудеміз. Бірқатар облыстың жоғары оқу орындарына бардық. Биыл 174 жас маман келеді деп күтілуде», — деді Атырау облысы білім басқармасы басшысының міндетін атқарушы Жансұлу Төремұратова.
Жансұлу Төремұратова Атырау облысының мектептері үшін білікті кадрлар іздеумен тек мектеп директорлары ғана емес, аудан әкімдері де айналысатынын мәлімдеді. Сондай-ақ, Төремұратова өңірге жұмысқа келген педагогтарға тұрғын үй беріледі деп атап өтті.
Сурет: Educationcenter.kz
