Атырау гарнизонында әскери бөлімдерді диверсияға қарсы тексеру жүргізілді. Бұл туралы «Батыс» өңірлік қолбасшылығы әскерлерінің қолбасшысы басқармасының баспасөз хатшысы Рүстем Игисинов мәлімдеді.
«Диверсияға қарсы қауіпсіздік бойынша тактикалық-саптық сабақтар барысында штаттық емес жағдай туындаған кезде әскери бөлімдердің кезекші күштері мен құралдарының іс-қимыл алгоритмі, сондай-ақ тұрақты орналасқан пунктте жеке құрамның іс-қимыл тәртібі пысықталды», — деді ол.
Тексеру нәтижесінде кезекші күштер мен құралдар бір-бірімен ынтымақтастық тәртібін пысықтап, шабуылға тойтарыс беру үшін барлық қажетті шараларды қабылдады.
«Бүгінгі таңда әскери бөлімдердің қауіпсіздігі-күнделікті өмірдің маңызды және басым мәселелерінің бірі. Осындай сабақтарда біз жеке құрам әрекетінің үйлесімділігін, сондай-ақ нысандардың жабдықталуын тексеруге мүмкіндігіміз бар», — деп атап өтті «Батыс» өңірлік қолбасшылығы әскерлері қызметінің бастығы подполковник Бақытжан Белгібаев.
