Атырауға дене қызуын түсіретін және вирусқа қарсы препараттардың ірі партиясын жеткізген Ресей жүк ұшағы қонды. Бұл туралы “ҚазТАГ” жаңалықтар ресурсы жазады.
Атырау облысы басшысының орынбасары Ержан Әбілхановтың айтуынша, әуе кемесімен жеткізілген дәрі-дәрмектің жалпы салмағы 20 тоннаға жуық. Оның айтуынша, Атырауға дәрі-дәрмек Нижний Новгородтан жеткізілді.
Сонымен қатар, ол бұл медициналық дәрі-дәрмектер вирусқа қарсы және дене қызуын түсіретін дәрі-дәрмектердің тапшылығын жабу үшін жіберілгенін түсіндірді. Бұл дәрі-дәрмектер жақын арада облыс дәріханаларына бөлінеді.
Сондай-ақ Ержан Әбілханов 3-4 күн ішінде Атырау облысына тағы 40 тонна дәрі-дәрмек жеткізілетінін айтты. Алайда, ол ірі дәрі-дәрмек партиясы қай елден жеткізілетін нақты айтқан жоқ.
Соңғы мәліметтерге сәйкес, Атырау облысында коронавирус инфекциясын жұқтырудың 9988 жағдайы ресми түрде тіркелді, ал елімізде олардың жалпы саны 83122 жетті.
Сурет: kaztag.info
