Ақмола облысының Атбасар қаласындағы ірі ұн тарту кәсіпорны жаңа бағытта өз өндірісін кеңейтуді жоспарлап отыр – диірменшілер құс шаруашылығымен айналысады, деп хабарлайды “Хабар 24″тілшісі.
Диірменнің жанында 50000 құсқа арналған құс фабрикасы салынады. Алдағы уақытта құс еті өнімі және жұмыртқаның саны 100000-ға дейін артады. Құс фермасында отыз адам жұмыспен қамтылады.
Қостанай облысымен шектесетін Ақмола облысының осы бөлігінде үлкен құс фабрикасы жоқ. Ең жақыны 300 км қашықтықта орналасқан.
Ұн тарту кәсіпорны директорының орынбасары Заур Заитов құс еті мен жұмыртқаның сұранысқа ие екендігі туралы ой бөлісті. Ол жаңа нысанның құрылысы үшін алаң, жоспары мен топографиясы дайын екенін айтты. Құрылыс көктемге қарай басталады
Сурет: 24.kz
