«Атамекен» Ұлттық Кәсіпкерлер палатасы кәсіпкерлерді Құқықтық қорғау Департаментінің басшысы Шыңғыс Темір төтенше жағдай режиміне байланысты бизнесмендердің бетпе-бет келген проблемаларын хабарлады, деп жазды палатаның баспасөз қызметі.
Шыңғыс Темір төтенше жағдай режимі енгізілген сәттен бастап кәсіпкерлер палатасына 11 мыңнан астам бизнесмен көмекке жүгінгенін айтты.
Сонымен қатар, ол өтінгендердің 86 %-ы шағын кәсіпкерлік, 12%-ы орта және 2%-ы — ірі кәсіпкерлік субъектілері екенін атап өтті. Оның айтуынша, олардың басым бөлігі — 62% — қызмет көрсету саласында маманданғандар. Қалғандары саудамен — 22% және өндіріспен — 15% айналысады.
«Атамекен» палатасы өкілінің айтуынша, төтенше жағдай режимін енгізуге байланысты кәсіпкерлердің 58%-ы шарттық міндеттемелерді бұзуда, 54%-ы — өз қызметкерлерін мерзімсіз демалысқа жібереді, 19%-ы өз қызметкерлерін жұмыстан босатты, 59%-ы — жалдау ақысын төлеуге байланысты проблемаларды бастан кешіруде және 5%-ы — коммуналдық қызметтерді төлей алмайды.
Бұған дейін мемлекет басшысы Қасым-Жомарт Тоқаев қазақстандық кәсіпкерлердің мақсатты қолдау шаралары туралы сұрағына жауап берді.
Тоқаев өз кезегінде бизнесмендерден түскен барлық өтініштерді құзыретті органдар егжей-тегжейлі қарап, талдайтынын мәлімдеді.
Сурет: ktovkurse.com
