Философия ғылымдарының кандидаты Нұртаза Қадырниязов мемлекет басшысы Қасым-Жомарт Тоқаевқа Сенатты таратуды ұсынды, философтың айтуынша, біздің халқымызға парламенттің жоғарғы палатасы қажет емес, деп хабарлайды exclusive.kz ақпарат ресурсы.
Қадырниязов Қазақстанның бюджет қаражаты таза унитарлы мемлекет ретінде халық сайламайтын Сенат депутаттарын ұстауға жұмсалуының мәні жоқ екенін мәлімдеді.
“Көп балалы аналар, 500 000 жұмыссыз, 2,5 миллион өзін – өзі жұмыспен қамтығандар, жұмысшылар, ауыл тұрғындары, мұғалімдер, дәрігерлер, балабақша тәрбиешілері – жалақысы төмен Қазақстан халқына
Сенат мүлдем қажет емес!”- деді Қадырниязов.
Сондай-ақ, философ ел парламентінің жоғарғы палатасының депутаттарын сайлауға жүздеген миллион теңге жұмсауды орынсыз деп атады.
Оның пікірінше, бұл бюджет қаражатын біздің мемлекетімізде жетіспейтін оқу және медициналық мекемелердің құрылысына салуға болады.
Қазақстанның Орталық сайлау комиссиясының ақпаратына сәйкес, Сенат депутаттығына сайлау өткізу үшін еліміздің қазынасынан 254,7 миллион теңге бөлінді.
Сурет: inform.kz
