Қазақстан президенті Қасым-Жомарт Тоқаевтың жарлығымен Шымкент қаласына жаңа әкім тағайындалды, енді бұл лауазымда Ерлан Айтаханов еңбек етеді, деп хабарлайды Қазақстан Республикасы Президентінің баспасөз қызметі.
Ерлан Айтаханов 1971 жылы Түркістан облысында дүниеге келген. Ол Мәскеу мемлекеттік университетін “экономист” мамандығы бойынша және Қазақ мемлекеттік заң академиясын “Заңгер”мамандығы бойынша бітірген.
Ол өзінің барлық еңбек жолында негізінен басшылық лауазымда болды.Алматы қаласының табиғи монополияларды реттеу және бәсекелестікті қорғау жөніндегі агенттігі департаментінің директоры, қаржылық бақылау және мемлекеттік сатып алу комитетінің басқарма бастығы, Қазақстан Президенті әкімшілігінің мемлекеттік инспекторы сияқты лауазымдарда еңбек етті.
2018 жылға дейін Айтаханов Түркістан облысы Отырар ауданы әкімі болды. Бұған дейін Шымкент басшысы қызметін Ғабидолла Әбдірахымов атқарған.
Сурет: Inform.kz
