Қазақстан Президенті Қасым-Жомарт Тоқаев еліміздің астанасына ресми сапармен келген Ресей Сыртқы істер министрлігінің басшысы Сергей Лавровпен кездесті. Бұл туралы Ақорданың баспасөз қызметі хабарлады.
Әңгімелесу барысында екіжақты ынтымақтастық мәселелерін талқыланып, өңірлік және халықаралық күн тәртібіндегі кең ауқымды мәселелер қарастырылды.
Қасым-Жомарт Тоқаев Сергей Лавровтың елімізге ресми сапары Қазақстан мен Ресейдің одан әрі ынтымақтастығына серпін беретініне сенім білдірді. Сонымен қатар, Тоқаев Сочиде өткен Валдай форумын ұйымдастыру мен өткізуді жоғары бағалады.
“Біздің елдеріміз арасындағы маңызды проблемалар жоқ, бұл Қазақстан мен Ресей сияқты серіктестерге өте тән. Біз одақтастық қатынастарды дамытып, нығайтатын стратегиялық серіктес болып табыламыз”, – деді мемлекет басшысы.
Өз кезегінде, Ресейдің Сыртқы істер министрі Тоқаевты Қазақстан-Ресей келісімдерінің жүзеге асырылу барысы туралы хабардар етті. Сондай-ақ мемлекет басшысына екі елдің сыртқы саяси ведомстволары басшыларының келіссөздерінің қорытындысын хабарлады.
“Біздің пайымдауымызша, біз қарқынды жылжып келеміз, қарқынымыз жақсы. Біздің қарым-қатынасымыздың жоғары деңгейдегі даму қарқыны өзара іс-қимылымыздың барлық бағыттарында сенімді бағдар болуға тиіс деген ортақ пікірді бөлісеміз”, – деді Лавров.
Сурет: Akorda.kz
