Қазақстан президенті Қасым-Жомарт Тоқаев пен Ресей президенті Владимир Путин Валдай форумы алаңдарында кездеседі.Онда екі жақты және өңірлік күн тәртібі мәселелері қаралады.Бұл туралы Кремльдің баспасөз қызметі хабарлады.
Кремльдің ақпараты бойынша, Сочиде өтетін Валдай форумының басты тақырыбы «Әлемдік құрылым: Шығыстан көзқарас» болмақ. Халықаралық іс-шарада Таяу Шығысты реттеу мәселелері мен Еуразиялық кеңістік аумағында ынтымақтастық құру мәселелері талқыланады деп жоспарлануда.
«Форум аясында Ресей Президентінің Әзірбайжан, Иордания, Қазақстан және Филиппин басшыларымен жеке кездесулері жоспарланып отыр. Екі жақты және өңірлік күн тәртібіндегі өзекті мәселелер бойынша пікір алмасу жоспарлануда», — делінген хабарламада.
Биыл халықаралық форумға әлемнің 37 елінен 130-дан астам сарапшы қатысуда.
Сурет: kp.ru
