Мемлекет басшысы Қасым-Жомарт Тоқаев Халықаралық Электр байланысы одағының Бас хатшысы Чжао Хоулинді қабылдады. Бұл туралы Ақорданың баспасөз қызметі хабарлады.
Кездесу барысында қатысушылар Қазақстан мен халықаралық электр байланысы одағының инфокоммуникациялық технологиялар саласындағы ынтымақтастығына қатысты мәселелерді қарастырды.
Мемлекет басшысы елімізде инновацияларды, жаңа технологияларды дамыту мен енгізуге ерекше көңіл бөлінетінін атап өтті. Сонымен қатар Тоқаев Қазақстанда қазіргі заманғы инфокоммуникациялық инфрақұрылым құру қажеттігін атап өтті.
Бас хатшы біздің президентті халықаралық одақ жұмысының негізгі бағыттары, атап айтқанда, телекоммуникациялар мен қызметтер саласындағы әзірленіп жатқан халықаралық стандарттар туралы хабардар етті.
Кездесу қорытындысы бойынша Чжао Хоулинь Қазақстанда блокчейн, Big Data технологияларын, жаңа сандық қаржы құралдарын пайдалануға, сондай-ақ инфокоммуникациялық технологияларды енгізуге қажетті мүмкіндіктер бар екенін айтты.
Фото: Akorda.kz
