Қазақстан Президенті Қасым-Жомарт Тоқаев Францияның экономика және қаржы министрі Бруно Ле Мэрмен кездесті. Бұл туралы мемлекет басшысының баспасөз қызметі хабарлады.
Кездесу барысында Тоқаев Қазақстан мен Франция арасында сауда-экономикалық және саяси салалардағы екіжақты ынтымақтастық үшін қолайлы жағдайлар жасалғанын хабарлады.
«Біз Францияны Еуропалық Одақ шеңберіндегі негізгі серіктес ретінде қарастырамыз. ЕО Қазақстанның басты сауда серіктесі болып табылады. Екі жақты сауда көлемі 4,5 млрд. ал біздің ел экономикасына Франциядан тікелей инвестициялар көлемі 15 миллиард доллардан асты», — деді мемлекет басшысы.
Сондай-ақ әңгіме барысында еліміздің Президенті қазақстандық тарап француздардың Қазақстанда тиімді қызмет етуі үшін барлық қажетті шаралар қолданатынын мәлімдеді.
Әңгіме соңында министр Қасым-Жомарт Тоқаевқа кездесу үшін алғыс айтып,Қазақстан мен Франция арасында алдағы уақытта жемісті ынтымақтастық орнатылатынына сенім білдірді.
