Қазақстан президенті Қасым-Жомарт Тоқаев 2020 жылды еріктілер жылы болады деген жарлыққа қол қойды. Бұл туралы мемлекет басшысының баспасөз қызметі хабарлады.
Сондай-ақ Қасым-Жомарт Тоқаев Қазақстан Республикасының Үкіметіне еріктілер жылын өткізу жөнінде қажетті шаралар қабылдауды тапсырды.
“Еріктілікті дамыту мақсатында 2020 жылды “Еріктілер Жылы” деп жариялау туралы қаулы етемін, осы жарлықтың орындалуын бақылау Қазақстан Республикасы Президентінің әкімшілігіне жүктелсін”, – делінген мемлекет басшысының жарлығында.
Қасым-Жомарт Тоқаевтың баспасөз қызметінің ақпараты бойынша, жарлық қол қойылған күннен бастап күшіне енді.
Сурет: Inform.kz
