Қазақстан Президенті Қасым-Жомарт Тоқаев экология, геология және табиғи ресурстар министрі Мағзұм Мырзағалиевпен кездесу өткізді. Бұл туралы Қазақстан президентінің баспасөз қызметі хабарлады.
Кездесу барысында министр Қазақстан Президентіне экология, геология және табиғи ресурстар министрлігінің ағымдағы қызметі туралы баяндады. Сондай-ақ, Мағзұм Мырзағалиев Қасым-Жомарт Тоқаевқа жаңа экологиялық кодексті әзірлеу барысы туралы айтты.
Өз кезегінде Тоқаев тұрмыстық қалдықтарды кәдеге жарату мәселесін шешу қажеттігін, су және өсімдік әлемін қорғау, браконьерлікпен күрес және орманды заңсыз кесу мәселелеріне ерекше көңіл бөлу керектігін айтты.
Кездесу соңында Қасым-Жомарт Тоқаев экология, геология және табиғи ресурстар министрлігінің басшысына республика азаматтарының экологиялық мәдениетін дамытуды, сондай-ақ қоршаған ортаны қорғаумен айналысатын еріктілерді тартуды тапсырды.
