Бүгін, 20 наурыз, Қасым-Жомарт Тоқаев Парламент палаталарының бірлескен отырысында Қазақстан халқына жаңа президент ретінде ант берді.
«Қазақстан халқына адал қызмет етуге, ҚР Конституциясы мен заңдарын қатаң сақтауға, азаматтардың құқықтары мен бостандықтарына кепілдік беруге, Қазақстан /Республикасы Президентінің маған жүктелген міндеттерін адал атқаруға ант етемін», — деді Тоқаев.
Естеріңізге сала кетейік, кеше Нұрсұлтан Назарбаев 2019 жылдың 20 наурызынан бастап Қазақстан Республикасының Президенті лауазымындағы өкілеттігін мерзімінен бұрын тоқтату туралы Жарлыққа қол қойған болатын.
Президенттің кезекті сайлауына дейін Сенат спикері Қасым-Жомарт Тоқаев Мемлекет басшысы лауазымына уақытша орналасады.
Сурет: zonakz.net
