Қазақстан президенті Қасым-Жомарт Тоқаев Нұр-Сұлтан әкімі Алтай Көлгіновпен кездесті. Бұл туралы мемлекет басшысының баспасөз қызметі хабарлады.
Кездесу барысында елорда әкімі Қасым-Жомарт Тоқаевқа 2019 жыл кезеңіндегі елорданың әлеуметтік-экономикалық дамуы туралы баяндады.
Мемлекет басшысы елорда әкіміне қала нысандарының құрылыс қарқынын жақсартуды және қолжетімді тұрғын үй салуды тапсырды. Сондай-ақ инвестицияларды тарту жөніндегі жұмыстарды жандандыру қажет.
Сонымен қатар, Нұр-Сұлтан басшысына жаңа жұмыс орындарын ашу және аз қамтылған отбасылардың әл-ауқатын арттыру тапсырылды.
