Мемлекет басшысы Қасым-Жомарт Тоқаев Қытай Халық Республикасына ресми сапары аясында Alibaba компаниясының штаб-пәтеріне барып, оның негізін қалаушы Джек Мамен кездесті. Бұл туралы Қазақстан президентінің баспасөз қызметі хабарлады.
Alibaba компаниясының штаб-пәтерінде Қасым-Жомарт Тоқаев оның даму тарихы мен қызметі туралы хабардар болды.
Мемлекет басшысы Джейк Мамен кездесу кезінде оны ҚХР-ның құрылғанына 70 жыл толуымен және Alibaba компаниясының 20 жылдық мерейтойымен құттықтады.
Өз кезегінде компанияның негізін қалаушы біздің Президентімізге алғысын білдіріп, Қазақстан Республикасының мәдениеті мен халқын сүйетінін айтты.
«Менің достарым көп. Мен бос уақытымды Сіздің елордаңызда өткізгенді ұнатамын», — деді Джек Ма.
Alibaba Group — интернет-коммерция саласында жұмыс істейтін ғаламдық компания. Оның негізгі қызметі В2В бойынша компаниялар арасындағы сауда-саттық операциялары және бөлшек онлайн-сауда болып табылады.
