Қазақстан президенті Қасым-Жомарт Тоқаев Бас прокурор Ғизат Нұрдәулетовпен кездесу өткізді. Бұл туралы Қазақстан президентінің баспасөз қызметі хабарлады.
Кездесу барысында Бас прокурор Қасым-Жомарт Тоқаевқа қадағалау органының ағымдағы қызметі туралы баяндады. Сондай-ақ, Қазақстан Президенті азаматтардың конституциялық құқықтарын қорғау жөніндегі шаралар туралы хабардар етілді.
Ғизат Нұрдәулетов мемлекет басшысына қылмысқа қарсы күреске бағытталған құқық қорғау органдарының күш-жігерін үйлестіру жөніндегі функциялардың орындалуы туралы айтты.
Өз кезегінде Тоқаев Бас прокуратураға Арыс қаласындағы жарылыс фактілері бойынша қылмыстық істі тергеуді жүргізіп, осы іске қатысты кінәлі адамдарды жазалауды тапсырды.
Кездесу соңында Қазақстан Президенті халықтың құқығын қорғау мәселесіне назар аудару қажеттігін айтты.
