Астаналық ботаникалық бағы ғылыми зерттеулер, білім беру және мәдени-ағартушылық бағдарламалар бойынша көпфункционалды орталық ретінде құрылды. Балаларға, студенттерге және бастауыш және жоғары сынып оқушыларына арналған білім беру курстарын өткізу жоспарланған.
Сәуір айында қала тұрғындары үшін экскурсия жүргізуді бастау жоспарлануда. Болашақта,түрлі шеберлік сыныптары өткізілетін, табиғат мұражайын құру жоспарланып отыр.
Бүгінгі таңда Л. Н. Гумилев атындағы Еуразия ұлттық университетімен студенттердің тәжірибеден өтуі туралы келісім-шарт жасалды, сондай-ақ Сейфуллин атындағы Қазақ агротехникалық университетімен меморандумға қол қою мәселесі пысықталуда. Студенттер биыл ботаникалық бақта тәжірибеден өту мүмкіндігіне ие болады.
Мұнда дәрілік және медициналық өсімдіктер топтамасы жасалады. Биология факультетінің студенттері «Орман ресурстары», «Экология», «Қоршаған ортаны қорғау» мамандықтары бойынша тәжірибеден өтеді. Сондай-ақ кез келген медициналық мекемелердің студенттері тәжірибеден өте алады.
Жақын арада, балалар өсімдіктермен жұмыс істеуге дағдыланатын, оларды дұрыс күтуге үйрететін «Green school» мектебін ашу жоспарлануда.
Сурет: inform.kz
