Атаулы әлеуметтік көмекті тағайындаудың жаңа форматы ашықтық пен әділдікті қамтамасыз етуге бағытталған. Бұл елордалық жұмыспен қамту және әлеуметтік қорғау басқармасының басшысы Сәуле Нұрғожинаның пікірі.
Журналистермен болған кездесуде шенеунік атаулы әлеуметтік көмек көрсетудің жаңа үлгісі туралы егжей-тегжейлі айтты. Оның айтуынша, әлеуметтік көмек тоқсан сайын тағайындалады,ал критерийлері өткен жылдың деңгейінде қалады.
Нұрғожина атап өткендей, атаулы әлеуметтік көмекті рәсімдеу үшін өтінішті және жеке куәлікті тиісті құжаттарды қабылдау пунктіне өткізу қажет.
Нұр-Сұлтанда «Жанұя» отбасын қолдау институты орталығында, халықты жұмыспен қамту орталығында және Алматы, Байқоңыр, Есіл, Сарыарқа аудандарының әкімдіктерінде құжаттарды қабылдайды.
Атаулы әлеуметтік көмек шеңберінде еңбекке қабілетті отбасы мүшелеріне жұмыспен қамтуға жәрдемдесудің белсенді шаралары ұсынылатын болады. Кәсіпкерлер Палатасы халықты жұмыспен қамту орталығымен бірлесіп түрлі жұмыс орындарын дайындады.
«Сондай-ақ, бағдарламада аз қамтылған азаматтарды тұрақты және уақытша жұмыс орындарына жұмысқа орналастыру жоспарланған», – деді ол.
Сурет: inform.kz
