Нұр-Сұлтан қаласында «Мектеп әлемін өзгертетін мұғалімдер» тақырыбында халықаралық тәжірибелік конференция өтуде, оған Қазақстанның барлық облыстарынан және 17 елден 2 мыңнан астам мұғалім қатысуда.
Конференцияға қатысушылардың алдында сөйлеген сөзінде Қазақстан астанасының әкімі Алтай Көлгінов педагог мамандығы қазіргі әлемдегі ең басты мамандықтардың бірі екенін айтып,мұғалім-қоғамдағы негізгі тұлға екенін атап өтті.
«Балалардың тәрбиесі мен білімі, яғни бүкіл елдің және бүкіл әлемнің болашағы, педагог пен оның жеке тұлғасына байланысты. Мұғалімдерсіз ең жақсы кітаптар оқылмай,ең заманауи оқу құралдары толық көлемде іске асырылмайды», — деді Күлгінов.
Сонымен қатар, қала басшысы халықаралық іс-шараның жұмысына АҚШ, Ұлыбритания, Нидерланды, Норвегия, Франция, Сингапур, Ресей, Орталық Азия және басқа елдерден келген қонақтар қатысып отырғанын атап өтті.
«Конференцияның белсенді қатысушылары біздің қазақстандық педагогтар мен ғалымдар болып табылады. Мен еліміздің барлық аймақтарының мұғалімдері осы конференцияға қатысуға мүмкіндік алып,тәжірибе алмасатынына қуаныштымын. Бұл конференция біздің сүйікті елордамызда 11-ші рет өткізіліп отыр», — деді Алтай Көлгінов.
