Нұр-сұлтанда “Жанұя” отбасы
институтын қолдаудың алғашқы орталығы ашылды.Оның жұмысымен үкімет басшысының орынбасары Бердібек Сапарбаев пен астаналық әкім Алтай Көлгінов танысып үлгерді.
Жаңа орталық елорда отбасыларына заңдық, психологиялық және әлеуметтік көмек көрсететін болады. Оның басты ерекшелігі – Open space алаңы қажетті қызметтердің барлығын біріктірді.
“Мемлекеттік органдар халыққа, әсіресе, отбасыларға қызмет етуі тиіс. Отбасылар мүмкіндігінше бір жерден көмек алуы тиіс. Бүгін елордада алғаш рет отбасыларға қызмет көрсететін орталық ашылады. Нұр-сұлтан әкімі Алтай Көлгінов демеушілер мен кәсіпкерлерді тартып, барлығы 100 млн теңгеге қажетті құрал-жабдықтармен жөндеу жұмыстарын жүргізді. Мұнда “бір терезе” қағидаты бойынша 50-ден астам мемлекеттік қызмет көрсетіледі. Қызметтер барлық түрлер бойынша, мысалы, білім беру, денсаулық сақтау бойынша көрсетілетін болады. Сондай-ақ, қосымша кеңестер, бизнеске оқыту ұйымдастырылады. Біз әркім өзінің шағын бизнесін ашуға мүмкіндік алу үшін ашып отырмыз”,-деді премьер-министрдің орынбасары.
ҚР Үкіметі басшысының орынбасары бұл орталықта қала тұрғындары өзіне жұмыс таба алады, сондай-ақ жүзеге асырылып жатқан мемлекеттік бағдарламалар бойынша ақпарат ала алады.
“Бізге алдымен азаматтарды оқыту, білім беру және мамандық алуға көмектесу керек. Әрбір азамат өз қалауы бойынша қандай да бір мамандыққа оқи алады. 16 мың теңге көлемінде шәкіртақы төленеді. Бір сөзбен айтқанда, мемлекеттің берген барлық мүмкіндіктерін пайдалану керек. Егер біз үйде отырсақ, ешкім көмектеспейді. Адам әрекет етуі керек”, – деді Сапарбаев.
Өз кезегінде, астаналық әкім тұрғындарды жеке қабылдауды сервистік орталықта өткізуді жоспарлап отырғанын айтты.
“Біз үшін ең бастысы тұрғындардың түрлі сұрақтарына жауап беру. Біреулерге баланы балабақшаға қалай беру керектігін білу керек, басқаларына – жұмыс іздеу немесе тұрғын үй мәселесін шешу мүмкіндігі, сондай-ақ психологтардың кеңестері беріледі”, – деді Алтай Күлгінов.
