3 желтоқсанда Astana Winter Marathon екінші қысқы марафонын өткізу кезінде таңғы сағат 8:00-ден 13: 00-ге дейін жүгіру бағыты бойынша көлік қозғалысы шектеледі, деп хабарлайды Астана полициясы департаментінің баспасөз қызметі.
“Кептелісті болдырмау үшін жүргізушілер жабық жолдың орнына, баламалы жол учаскелерін пайдаланғаны жөн. Қозғалыс Байтұрсынов көшесі, Қошқарбаев даңғылынан Жүргенов көшесіне дейінгі учаскеде және Аманжолов, Сарыкөл көшелері мен Тәуелсіздік даңғылдарының қиылысында шектеледі”, – деп хабарлады департаменттен.
Полицияның айтуынша, марафонды өткізу кезінде Қошқарбаев даңғылында, Нәжімеденов және Қалдаяқов көшелерінде көлік қозғалысы толық шектеледі.
Қоғамдық көлік қозғалысы уақытша өзгереді – автобустар Нәжімеденов көшесі және Қошқарбаев даңғылы бойынша жүреді.
Astana Winter Marathon II Қысқы марафонына қатысушылар 5, 10, 21 және 42 км қашықтықты бағындырады.
Сулет: informburo.kz
