Астанада ағылшын тілінің екі оқытушысы туберкулезбен ауырады. Бұл туралы қалалық қоғамдық денсаулық сақтау департаментінің қызметкерлері хабарлады.
19 қаңтар күні № 33 балабақшаның ағылшын тілі пәнінің мұғалімі жөтелге шағымданды. Ол № 44 балабақшада қосымша жұмыс істейтін. Диагностикалық емшарадан кейін, 25 қаңтарда оған «туберкулез»диагнозы қойылды.
№ 80 мектептің бастауыш сыныбының ағылшын тілі мұғалімінің де осындай ауруы бар екенін анықталды. 22 қаңтардан бастап мұғалім Астананың туберкулезге қарсы диспансерінде емделуде.
Туберкулезбен ауыратын науқастар жұмыс істеген оқу орындарында ауқымды дезинфекция жүргізілді. Дәрігерлер науқастармен қарым-қатынаста болған адамдардың шеңберін анықтады, аурудың алдын алу үшін балалар үшін медициналық бақылау және тексеру ұйымдастырды.
«Қазіргі уақытта елорданың қоғамдық денсаулық сақтау департаменті прокуратура органдары арқылы аталған балабақшалар мен мектептерде кезектен тыс тексеру жұмыстарын жүргізуде. Тексеру қорытындысы бойынша санитарлық-эпидемиологиялық талаптардың сақталуына баға беріліп, заң аясында аталған білім беру ұйымдарының әкімшілігіне қатысты шаралар қабылданды», — деді МДҰ қызметкерлері.
Өткен жылы елордада туберкулезге шалдыққан орта мектептердің сегіз мұғалімі анықталды.
Сулет: facebook.com
