Астанада екі қабатты кәсіпорынның ғимараты құлады, деп хабарлайды “ҚазАқпарат” халықаралық агенттігінің тілшісі, Қазақстан Республикасы Ішкі істер министрлігі Төтенше жағдайлар комитетінің баспасөз қызметіне сілтеме жасап.
15 наурызда сағат 17: 6-да Астана қаласы Төтенше жағдайлар департаментінің пультіне Алаш тас жолындағы «Сүт өнімдері сервисі» жауапкершілігі шектеулі серіктестігінің екі қабатты ғимаратында опат болғаны туралы хабарлама келіп түсті.
Келіп жеткен алғашқы өрт сөндіру көліктері, 1-ші және 2-ші қабаттар арасында 300 шаршы метр төбе жабынының құлағаны анықталды.
Үш адам зардап шекті,олар ауруханаға жатқызылды. Тағы бір адамды іздеу жұмыстары жүргізілуде. Оқиға орнына Астана қаласы Төтенше жағдайлар департаментінің жеке құрамынан 22 адам және 6 өрт сөндіру техникасы тартылды.
Қираудың алдын ала себебі – газ баллонының жарылысы. Қала әкімі Бақыт Сұлтанов, Қазақстан Республикасы Ішкі істер министрлігі Төтенше жағдайлар комитетінің төрағасы В. Беккер, Астана Төтенше жағдайлар департаменті бастығының м.а. М. Аманбаев, Байқоңыр ауданының әкімі Е. Каналимов оқиға орнында.
Сурет: inform.kz
