1996 жылы құрылған коммуналдық автобус паркі 16 қаңтарда сатып алу құқығымен үш жылдық кезеңге сенімгерлік басқаруға беріледі, деп хабарлайды Kapital.kz. іскерлік ақпарат орталығының тілшісі.
АҚ сату gosreestr.kz сауда сайты арқылы өтеді. Қазіргі уақытта парктің барлық акцияларының иесі “Астана қаласының Көлік және жол-көлік инфрақұрылымын дамыту басқармасы” мемлекеттік мекемесі болып табылады. Кәсіпорынның бастапқы бағасы – миллиард жүз миллион теңге. Сатып алуға ниет білдірген мекеме 168 миллион 900 мың теңге көлемінде кепілдік жарна төлеуі тиіс.
АҚ аукционның жалғыз қатысушысына сатылуы мүмкін. Жолаушылар тасымалдауда кемінде он жылдық тәжірибесі бар ұйымдар қатыса алады.
Парк құрамына өндірістік-әкімшілік корпус, май құю станциялары, ауданы 36100 ш.м. ғимарат, жалға алынған 6700 ш. м алаң кіреді.
Сатып алушы ұйым жұмысының бағытын өзгертпеуге, қызметкерлер үшін ұжымдық еңбек шартының талаптарын төмендетуге, жол жүру құнын көтермеуге, көлік қозғалысының кестесін сақтауға, алты ай ішінде базаны күрделі жөндеуге, 2021 жылға дейін жүз автобус сатып алуға, ал 2021 жылы – тағы бір жүз, қаржы лизингінің міндеттемелері бойынша контрагенттерге 1 миллиард 300 миллион теңге және “Астана LRT” ЖШС-ға 7 миллиард теңге мөлшерінде кредит төлеуге міндеттенеді. Паркті сенімді басқару құқығы берешекті толық өтегеннен кейін басталады.
Сурет: kapital.kz
