Астанада Сарыарқа ауданының шенеуніктері ең әдемі және ерекше ақшақарға байқау жариялады. Байқауға әр адам қатыса алады.
Аудан әкімі Арман Тұрлубек бұл байқауға қатысу ережесін айтты. Ақшақар немесе қандай да болмасын қар фигурасын жасап, оны суретке түсіріп, әлеуметтік желіге #снеговикСарыарки хэштегіне салу қажет.
“Ең креативті ақшақарды осы байқаудың демеушісі таңдайды, ал оның авторы 100 мың теңге көлемінде ақшалай сыйлық алады, – деп атап өтті Арман Тұрлубек, – Әрине, екінші және үшінші орын алған қатысушылар назардан тыс қалмайды”. Астаналықтардың ақшақар мүсіндеу уақыты бар, байқау қорытындысы мен марапаттау рәсімі 15 қаңтарда өтеді.
Сулет: 365info.kz
