Астанада қала жұмысшылары аштық жариялағаннан кейін, Қапшағай қаласында құрылыс компаниясының кеңсесінде тексеру басталды. Бұл туралы еңбек және халықты әлеуметтік қорғау министрлігінің баспасөз қызметі хабарлады.
«Компания қызметкерлері еңбек, әлеуметтік қорғау және көші-қон комитетіне ұжымдық өтініш жазды, оған сәйкес қазіргі уақытта Қапшағай қаласындағы компанияның бас кеңсесінде жоспардан тыс тексеру жүргізіліп жатыр», — деп хабарлады ведомстводан.
Министрліктің ақпараты бойынша, 8 тамызда құрылыс саласының қызметкерлері Нұр-Сұлтан қаласында салынып жатқан көпірдің жанында жиналды. Олар жалақылары уакытында берілмейтініне наразылық білдірді.
«Жиналыс орнына еңбек, әлеуметтік қорғау және көші-қон комитеті төрағасының орынбасары Төлеген Оспанқұлов пен Нұр-сұлтанның бас еңбек инспекторы Ерлан Бердалин шығып, жұмысшылармен кездесу өткізді. Нәтижесінде, 5-6 ай ішінде 26 қызметкерге жалақы бойынша берешек сомасы шамамен Т13 млн теңгені құрайтыны анықталды», — деп нақтылады министрлікте.
Оспанқұлов «А. Рязанов атындағы №25 көпір құрылысы отряды» ЖШС-ның басшысы Тимур Накусовпен кездесті. Жұмыс беруші жалақы бойынша берешекті өтеуге уәде берді.
«9 тамыздағы жағдай бойынша жұмысшыларға жалақы бойынша үш айлық берешек төленді. Берешектердің қалдығын ЖШС басшысы алдағы күндері төлеуге міндет алды», — деп хабарлады ведомстводан.
Сурет: kaztag.info
