Бейрут қаласында болған қайғылы жағдайға байланысты Нұр-сұлтан әуе айлағының өндірістік учаскелерінде тексеру жүргізілді. Бұл туралы inbusiness.kz жаңалықтар ресурсы хабарлайды.
Өнеркәсіптік қауіпсіздік мақсатында техникалық газдары бар баллондарды сақтау және пайдалану шарттары, ЖЖМ сақтауға арналған 46 резервуарлық сыйымдылықтар, тыныс алу клапандары тексерілді, сондай-ақ қоймаларда жарылыс қаупі бар заттарды тексеру және ыдыстардың дәнекерлеу жіктері мен металл конструкцияларының ақаутапқышын тексеру жүргізілді.
Тексеру барысында мамандар ешқандай заң бұзушылықтарды анықтаған жоқ. Барлығы бес мыңға жуық өрт сөндіру құралдарының жарамдылығы тексерілді.
Басқарма басшысы орынбасарының төрағалығымен өткен комиссия құрамына инфрақұрылым департаментінің директоры, еңбекті қорғау, экология, стандарттау және метрология қызметінің басшысы кірді.
4 тамызда Ливанның Бейрут қаласында аммиак селитрасы жарылды. Қайғылы оқиға салдарынан 150-ден астам адам қаза тапты. Біздің еліміздің Үкіметі зардап шеккендерге көмектесу үшін Ливанға әскери дәрігерлерді жіберді.
Сурет: liter.kz
