Елордалық «Астана су арнасы» сумен жабдықтау компаниясына монополияға қарсы заңнаманы бұзғаны үшін айыппұл салды. Бұл туралы табиғи монополияларды реттеу, бәсекелестікті және тұтынушылардың құқықтарын қорғау комитетінің баспасөз қызметі хабарлады.
Нұр-Сұлтан қаласы бойынша ТМРБТҚҚК департаменті «Ережепов Б.Т.» ЖК өтінішін қараудың қорытындылары бойынша ҚР «Табиғи монополиялар туралы» Заңының 26-бабы 2-тармағының 6) және 8) тармақшаларының бұзылуы анықталды, оған сәйкес табиғи монополия субъектісі ұсынатын реттеліп көрсетілген қызметке жатпайтын қызмет бойынша қосымша талаптарды белгілемеуге, сондай-ақ үлгі шарттарға сәйкес ұсынатын қызметтердің әрбір түріне тұтынушылармен жеке шарттар жасаспауға міндетті», — деп хабарлады ведомстводан.
Комитеттің ақпараты бойынша, ағымдағы жылдың 16 шілдесінде елордалық кәсіпорынға қатысты 164-баптың 4-бөлігінде (Қазақстан Республикасының табиғи монополиялар туралы заңнамасын бұзу) екі әкімшілік іс қозғалды.
Кәсіпорын уәкілетті органның дәлелдерімен келісті және қысқартылған тәртібі бойынша Т2 020 000 әкімшілік айыппұлдар төледі. Мемлекеттік бюджетке түсімдер сомасы Т4 040 000 құрады. Сондай-ақ, ұйғарым толық көлемде орындалды», — деп толықтырды комитет.
