13 маусымда полиция қызметкерлері “Астана Су Арнасы” компаниясының екі басшысын ұстады, қайтыс болған жұмысшыларға қатысты.
Қайғылы оқиға ағымдағы жылдың 23 мамырында болған. “Астана Су Арнасы” сорғы станциясының кәріз резервуарында бөлшектеу жұмыстарын жүргізу барысында төрт адам қаза болды. Біреуі шұғыл түрде ауруханаға жатқызылды.
Сол күні елордалық полиция департаменті еңбекті қорғау ережелерін бұзу фактісі бойынша сотқа дейінгі тергеу жүргізуді бастады.
“Тергеу барысында бірқатар қажетті сараптамалар мен арнайы тексерулер жүргізіліп,оқиға куәгерлерден сурақтар алынды. Жүргізілген тергеу іс-шараларының нәтижесінде “Астана Су Арнасы”лауазымды тұлғаларының кінәлілігі анықталды. 13 маусымда аталған факті бойынша “Астана Су Арнасы”екі басшысы ұсталып, уақытша ұстау абақтысына қамалды. Тергеу амалдары жүргізілуде”, – деп хабарлады елордалық ІІД бастығының орынбасары Ғазиз Нұрқаев.
