Нұр-сұлтан қаласының әкімі Алтай Көлгінов елордада әлеуметтік тұрғын үй алушылар санаты кеңейтілгенін хабарлады. Жақында әкімдік бұл мәселеде бағдарламаның серіктесі «Қазақстандық ипотекалық компаниямен»келісімге келді.
Бұдан былай қолжетімді баспанаға Әлеуметтік сала қызметкерлері, полиция қызметкерлері, сондай-ақ мәдениет қайраткерлері мен еңбек сіңірген спортшылар сене алады.
Қала басшысының мәліметінше, осы мақсатқа биыл 1 мыңға жуық пәтер бөлінеді.
Бұдан басқа, Алтай Көлгінов атап өткендей, аз қамтылған азаматтар, тұрғын үй құрылыс жинақ банкінің салымшылары қатарынан кезекте тұрғандар үшін тұрғын үй салу жұмыстары жүргізілуде.
Мемлекет басшысының тапсырмасы бойынша биылғы жылы қолжетімді тұрғын үй саны үш есеге артты. Қазір Нұр-Сұлтанда әкімнің айтуынша, келесі кезеңге белсенді дайындық жүріп жатыр.
Сурет: 365info.kz
