Сыбайлас жемқорлыққа қарсы іс-қимыл агенттігінің екінші департаментінің басшысы Сергей Перов “Астана LRT” компаниясының жеңіл рельсті көлік құрылысы төңірегіндегі атышулы істі тергеудің егжей-тегжейін айтты.
Бұл туралы “ҚазАқпарат” ХАА хабарлайды.
Перовтың айтуынша, тергеу барысында елорда әкімдігінің лауазымды тұлғалары, соның ішінде Нұр-Сұлтанның бұрынғы әкімінің орынбасары Қанат Сұлтанбеков, сондай-ақ “Астана LRT” компаниясы миллиардтаған теңгені ұрлаған.
Атап айтқанда, елорда әкімдігінің бұрынғы орынбасары “Астана LRT” компаниясының басшылығымен бірлесіп қылмыстық сызба ұйымдастырып, шетелдік және отандық компаниялардың көмегімен 24 миллиардтан астам теңге жымқырған.
Сонымен қатар, сыбайлас жемқорлыққа қарсы қызметтің екінші департаментінің басшысы осы іс бойынша елорда әкімдігінің бес лауазымды тұлғасы мен алты мердігер ұйымдардың басшылары өтіп жатқанын атап өтті.
Бүгінгі таңда құқық қорғау органдары осы іс бойынша 5 күдіктіні ұстады. Олардың үшеуі өз кінәсін мойындады, сондықтан оларға қатысты қамауға алу қолданылған жоқ.
Осыған орай, Сергей Перов жеңіл рельсті көлік құрылысы төңірегіндегі қылмыстық іс бойынша тергеу осы жылдың желтоқсан айының соңында аяқталуы мүмкін екенін атап өтті.
Сурет: rus.azzattyg-ruhy.org
