Астана әкімі Алтай Көлгінов Нұр-Сұлтанда қолжетімді тұрғын үй құрылысының жүзеге асырылу барысын тексерді, деп хабарлайды елорда әкімдігінің баспасөз қызметі.
Алтай Көлгінов қаланы аралау барысында Бейсеков пен Бөкейхан көшелері бойында орналасқан бірқатар тұрғын үй кешендеріне барды.
Құрылыс салушылармен кездесу кезінде елордалық әкім қолжетімді баспана салу басым міндеттердің бірі деп мәлімдеді. Күлгінов Президент Қасым-Жомарт Тоқаевтың тапсырмасы бойынша, биылғы жылы Нұр-Сұлтанда салынатын тұрғын үй көлемі ұлғаятынын атап өтті.
Сондай-ақ, құрылыс салушылармен әңгіме барысында Алтай Көлгінов олардың жұмысын сынға алып, барлық кемшіліктерді түзеуді тапсырды, әйтпесе олармен келісім-шарт тоқтатылады.
“Сіз құрылыс салушылар ретінде үйлерді сапалы салуыңыз керек. Сіздердің кемшіліктеріңізді көріп тұрмын. Бір нысанда құрылыс жұмыстары баяу, екіншісісінде – техникалық қадағалау, авторлық қадағалау мамандарының пікірін ескерместен жүргізіледі. Бір-екі жылдан кейін түсіп жатқан жабын тақталарды не үшін қолдануға болады? Құрылысты түсінбейтіндер іске кіріспеуі керек. Қолдарыңызға алдыңыз ба, басынан бастап тиісті деңгейде салыңыз”, – деді қала әкімі.
