Қазақстандықтарға әлеуметтік желілер бойынша температураның төмен болуына байланысты Астана әкімдігі жұмысты тоқтату туралы шешім қабылдады деген хабарлама келген. Хабарлама ТЖД стиліне келтіріліп, «109» логотипімен таратылған.
Астана қаласы әкімдігінің баспасөз қызметі жалған жаңалықты бірден жоққа шығарды. Онда мұндай шешімдер қабылданған жоқ деп мәлімдеді. Қала тұрғындарынан Астана қаласы әкімдігінің ресми сайтында немесе 109 Ikomek қызметі арқылы ақпаратты тексеру керектігі айтылды.
Сонымен қатар ТЖ Департаменті жұмыс берушілерге,аяз күндері астаналықтарды қйлеріне ертерек жіберуді ұсынып, ұйымдар мен кәсіпорындардың басшыларына үндеу жолдады. Алайда жұмыс күнін қысқарту мәселесі жұмыс берушінің қарауына қалдырылды.
«Қазгидрометтің» мәліметінше, Астанада 25 желтоқсанда ауа температурасы 30 градус, сезілуі бойынша – 38 градус аяз, жел – 2 м / с.
Сулет: informburo.kz
