Атырау облысында Қашаған кен орнында жыл сайын миллиард текше метр табиғи газды өңдейтін ірі кәсіпорын салу жоспарлануда. Бұл туралы Қазақстан үкіметтің баспасөз қызметі хабарлайды.
Премьер-министр Асқар Маминнің Атырау облысында өткізген кеңесінің күн тәртібіне осы зауыттың құрылысы мәселесі қойылды.
Министрлер кабинеті басшысының айтуынша, бұл зауыттың құрылысы Қазақстан үшін маңызды жоба болып табылады, өйткені кәсіпорын Қашағандағы мұнай өндіру көлемін 12 миллион тоннаға арттыруға мүмкіндік береді.
Сондай-ақ Асқар Мамин бұл нысанның құрылысы халықты жұмыспен қамтамасыз ететінін айтты. Ол құрылыс кезеңінде 2,8 мың уақытша және 600 тұрақты жұмыс орны ашылатынын атап өтті.
Үкімет басшысы Қашағандағы осы кәсіпорын құрылысының жобасын 2021 жылдың соңына дейін жүзеге асыру жоспарланып отырғанын мәлімдеп, осы мақсатта тартылған инвестиция көлемі 860 миллион долларды құрайтынын айтты.
Бүгінгі таңда Қашағанның геологиялық қоры 4,8 миллиард тонна мұнайға бағалануда. Жалпы мұнай қоры 38 миллиард баррель, табиғи газ -1 триллион текше метрден асады.
Сурет: Eurasia.expert
