Өткен жылдың желтоқсан айында Асқар Жұмағалиев Қазақстанның қорғаныс және аэроғарыш өнеркәсібі министрі қызметін атқарды.
Мәжіліс комитетінің отырысында Асқар Жұмағалиевтің кандидатурасы ҚР цифрлық даму, қорғаныс және аэроғарыш өнеркәсібі министрлігінің басшысы қызметіне бекітілді. Бұл туралы Мәжілістің баспасөз қызметі хабарлады.
Асқар Жұмағалиев Орынбор облысының тумасы. Свердловтағы Суворов әскери училищесін бітірді, кейін Қазақ ұлттық техникалық университетінде «радиобайланыс, радиохабар және теледидар» мамандығы бойынша оқыды.
Жұмағалиев тағы бір мамандық иесі. Ол Қазақ гуманитарлық-заң университетінде оқып, «юриспруденция» мамандығын да алды.
90-шы жылдардың басында Асқар Жұмағалиев жеке кәсіпорынның директоры, сондай-ақ ҚР Көлік және коммуникация министрлігінде сектор меңгерушісі, ҚР көліктік бақылау комитетінің бас маманы және бөлім бастығы қызметтерін атқарды.
2000-2006 жылдары ақпараттандыру және байланыс құрылымында бірқатар лауазымдарда жұмыс істеді. 2010-2012 жылдар аралығында байланыс және ақпарат министрі болды.
2017 жылы ҚР Премьер-Министрінің орынбасары, ал 2018 жылдың соңында ҚР Қорғаныс және аэроғарыш өнеркәсібі министрі болып тағайындалды.
Сурет: liter.kz
