Қазақстан Республикасы Қаржы нарығын реттеу және дамыту агенттігі коммунистік партия мүшелерінің салықтарды ұлғайту арқылы кредиттік рақымшылық жасау туралы депутаттық ұсынысына жауап берді. Бұл туралы informburo.kz жаңалықтар ресурсы хабарлайды.
«Біздің ұстанымымыз: тұтынушылық кредиттеуге байланысты тәуекелдерді реттеу қажет. Биыл қарыз алушының қарыз жүктемесіне қатысты көп нәрсе қабылданды. Біздің ойымызша, осындай бір жолғы акцияларды қолданғаннан гөрі, несиелеудің тәуекелдерін реттеу дұрысырақ. Сонымен қатар, өткен жылы тұтынушылық несие алған қарыз алушыларға белгілі бір төлемдер, өтемақылар берілді», – деп түсіндірді агенттік төрағасының бірінші орынбасары Олег Смоляков журналистермен кездесу кезінде.
Қазақстан Коммунистік Халық партиясы депутаттарының айтуынша, олар қарыз алушылардың төлем қабілеттілігін қалпына келтіре алатынына күмән келтіреді. Коммунистер Қазақстан үкіметінен банктер алдындағы қарыздарына байланысты өмір сүру қаражатынсыз қалуы мүмкін адамдарға көмек көрсетуді сұрайды. Мұны депутаттар салықты көбейту арқылы жасауды ұсынды. Ел басшылығынан әлі жауап жоқ.
Өткен жылдың маусым айында Қазақстан басшысы Екінші деңгейдегі банктер мен микроқаржы ұйымдарында кепілсіз тұтынушылық қарыздар бойынша берешекті өтеуге қатысты бір реттік тәртіппен шаралар қабылдауды тапсырды.
Ол кезде несиелік амнистияға көп балалы отбасылар; асыраушысынан айырылу бойынша төлем алатын отбасылар; мүгедек балалары бар отбасылар; мемлекеттік атаулы әлеуметтік көмек алушылар және қарыз бойынша жиынтық берешегі үш миллион теңгеден аспайтын жетім балалар түсті. Бұл қарыз алушыларға 300 000 теңгеден аспайтын сома есептен шығарылды.
Сурет: fingramota.kz
