Қазақстанның Қаржы министрлігінде интернет-дүкен арқылы мемлекеттік сатып алудың жаңа тәсілі әзірленуде. Бұл туралы Қаржы министрінің орынбасары Руслан Бекетаев мәлімдеді.
“Биыл өтпеген мемлекеттік сатып алулар бойынша бір көзден сатып алу шамамен 7%-ды құрайды, бұл өткен жылмен салыстырғанда 8 есе аз және 7 айдың қорытындысы бойынша мемлекеттік сатып алулар бойынша үнемдеу 283 млрд теңгені құрайды.
Алайда, қаржы министрлігі қабылдаған шараларға қарамастан, маңызы аз сатып алу бойынша бір көзден алу үлесі әлі де жеткілікті түрде жоғары болып қалып отыр.Егер цифрмен айтар болсақ, бұл шамамен 306 млрд теңге немесе барлық сатып алулардың 11%”, – деді Бекетаев.
Сондай-ақ, министрдің орынбасары осындай форматтағы мемлекеттік сатып алу тетігі туралы егжей-тегжейлі әңгімеледі.
“Бұл заң шығару мүмкіндігі аясында жүзеге асырылатын сатып алулар – тауарлар бойынша 100 ең төменгі есептік көрсеткішке дейін,ал жұмыстар және қызметтер бойынша 500 есептік көрсеткішке дейін. Кейде тапсырыс берушілер бір көзден сатып алу үшін әдейі ұсақ сатып алатын жағдайларды көреміз.
Мысалы, мен сізге былғары диван сатып алуға болады деп айта аламын: теріні бөлек сатып алу, осы диванға шартты түрде фурнитура сатып алу,яғни диван бөлек бөлшектермен сатып алынады”, – деп түсіндірді министрдің орынбасары.
Руслан Бекетаев қалыптасқан жағдайға байланысты министрлікте сатып алудың жаңа тәсілін әзірлеу туралы шешім қабылданғанын хабарлады.
“Интернет-дүкеннің не екенін білсеңіз, бүгінгі күні сатып алушы онлайн режимінде белгілі бір тауарды тез және бәсекелі негізде сатып ала алады.
Бұдан басқа, біз жаңа заң жобасы аясында “негіздемелік келісім” деп аталатын сатып алудың жаңа тәсілін енгізгіміз келеді. “Негіздемелік келісім” әлеуетті өнім берушілерді бәсекелестік тәсілмен іріктеуге ғана емес, сонымен қатар тауарларды, жұмыстар мен қызметтерді сатып алу мерзімін қысқартуға мүмкіндік береді. 45 күн 3-5 күнге дейін қысқарады”,-деп түсіндірді вице – министр.
Ол “негіздемелік келісім” Еуразиялық экономикалық одаққа қатысушы барлық елдерде қолданылатынын айтты. Келісім қолданылатын тауарларды, жұмыстар мен қызметтерді сатып алу үшін мемлекеттік мекеменің барлық жұмысында пайдаланылады.
Сурет: forbes.kz
